Dus dias dab ua formacion en occitan gascon
Los 26 e 27 d’octobre passats, Laura qu’intervienó per ua dusau sesilha de formacion dedicada aus futurs animators de la mala de jòcs Topin, A hum les marmites !, un projècte miat per País de Bearn.
Au parat de dus dias organizats au Conservatòri deus Legumes Ancians deu Bearn, un detzenat de participants que’s perseguín la descobèrta de l’occitan gascon e que s’ahortín las coneishenças linguisticas.
Experimentar los jòcs en lenga nosta e
En mei deus apòrts teorics, aquera formacion que permetó de víver e ensajar los jòcs en lenga nosta. Los participants que podón tanben profieitar de la preséncia de las animatoras deu CIRDÒC e d’Écocène, aliats deu projècte.
Un projeècte qui’s persegueish peu Bearn
Augan, Topin, A hum les marmites ! que contunha de’s desvolopar sus un navèth territòri bearnés. L’objectiu que n’ei tostemps lo medish : perméter a tostemps mei de mainats de descobrir las sabors, lo patrimòni e lo riquèr deu Bearn mercés a activitats ludicas.
A seguir…
Navèra accions que son previstas au briu deus mes a viéner. Ua aventura collectiva qui contunha de créisher au servici de la transmission auprès deus joens.
