Lo CFPÒc, au còr deu país entà har víver la lenga occitana
Contactar l'equipa
Ua equipa dinamica
De 1999 ençà, lo CFPÒc Navèra Aquitània que'vs perpausa ua auhèrta de formacion de qualitat e ubèrta a tots en occitan, tostemps dens la soa varianta locau (gascon, lemosin, bordalés, vasadés, lengadocian…) mercés a l'engatjament territorializat d'un trentenat de formadors e d'ua equipa a temps plen motivada. Lo CFPÒc, dab los sons formadors, salariats e benevòles, que's balha per mission de transméter la lenga e la cultura occitanas entà que sia parlada, lejuda, escriuta e emplegada en la vita vitanta com professionau.
Cooperacion & collaboracion
L'equipa salariada que tribalha en collaboracion estreta dab los membres deu burèu de l'associacion, qui jògan un ròtle essenciau en la definicion de la vision estrategica e de las prioritats deu CFPÒc. Los membres deu burèu que horneishen ua orientacion e un sostien estrategic a l'equipa, en assegurar ua bona guidança e ua gestion responsabla de las ressorças de l'associacion.
Amassa, l'equipa salariada e los membres deu burèu que partatjan un engatjament comun e que tribalhan ad ua entà portar ua formacion en lenga e cultura occitanas de qualitat.
Descobritz l'equipa a temps plen, dinamica e ahuecada, qui compausa la nosta associacion de formacion en lenga e cultura occitanas.
Amassa, l'equipa salariada e los membres deu burèu que partatjan un engatjament comun e que tribalhan ad ua entà portar ua formacion en lenga e cultura occitanas de qualitat.
Descobritz l'equipa a temps plen, dinamica e ahuecada, qui compausa la nosta associacion de formacion en lenga e cultura occitanas.
LENGAS
Laure Cadaux
Formadora
Tanben formadora en lenga e cultura occitanas de mei de 10 ans ençà, Laure qu'ei garanta de la qualitat d'ensenhament dens la nosta estructura.
Julie Courtadiou
Formadora, resp. de comunicacion e co-directora
Julie que met la soa expertesa lingüistica e la soa creativitat au servici deu desvolopament deus nostes programas.
Caroline Latour Pérot
Formadora
Tanben ensenhaira au collègi Calandreta de Gasconha, Caroline que'ns pòrta la soa dobla competéncia en matèria de transmission de la lenga e la cultura occitanas.
Joan Nadau Commères
Formador
Joan Nadau qu’intervien en formacion professionau e cors Setmanèrs despuish annadas, e qu’ei tanben jornalista a Ràdio Cap a Cap.
ADMINISTRACION
Amélie Torres
Assistenta de formacion, administrativa e comptabla
Amélie qu'assegura lo debanar e lo melhorament de contunh de las formacions, atau com lo foncionament administratiu de l'estructura.
Sophie Béguinet
Resp. de desvolopament e codirectora
Sophie qu'assegura dab Amélie la gestion administrativa deu CFPÒc. Que pren en carga lo desvolopament de las associacions e la mesa en plaça de navèras formacions.
Amassa, que formam ua equipa engatjada, prèsta a tiéner tots los desfís entà promòver e preservar lo riquèr de la lenga e de la cultura occitanas !
Un trentenat de formadoras e formadors a temps parciau que vien ahortir la nosta equipa entà v'auherir ua qualitat d'ensenhament qui posca respóner aus vòstes besonhs de varietat en matèria de lòcs de formacion, disponibilitat orària o enqüèra contiengut de formacion.
Un trentenat de formadoras e formadors a temps parciau que vien ahortir la nosta equipa entà v'auherir ua qualitat d'ensenhament qui posca respóner aus vòstes besonhs de varietat en matèria de lòcs de formacion, disponibilitat orària o enqüèra contiengut de formacion.
Los nostes formadors e formadoras en lutz
Joan-Luc Landi
Vadut a París en 1957, de mair biarnesa e de pair italian. Que'm soi investit hèra de d'òra en mantun maine ligats a la cultura occitana : musica, cant, dança, ràdio, teatre, interpretacion de contes, racontes... Corrector d'escriuts en occitan, que soi tanben autor de novèlas e de cronicas. Qu’èi avut hèit deu regent tanben, en primari de 1985 a 2020. Especializat en occitan, qu'èi balhat cors per adultes tanben. De 2021 ençà, qu'estúdii la lenga basca, soletin e batua.
Domenja Lekuona
Que soi estada bibliotecària, documentalista, representanta en libes e disques, o enqüèra administradora de produccions artisticas en intermiténcia. Lo mestièr qui practiqui enqüèra qu'ei productora ràdio. Que soi tanben apassionada peu Yuan Gong qigong descobèrt en 2016 (que’n soi per uei au cinquau nivèu (de sheis) !) Que'm hè gai de poder assegurar lo cors setmanèr en occitan de Sent Pèr de Lèren e lo cors mesadèr de Salas en partatjar aquera practica en la lenga qui èi causida quan aví ueit ans.
Karine Bordenave
Que soi Karine Bordenave. En ua auta vita, qu'ensenhavi dens las calandretas de Biarn. Adara que soi neuridora de crabas angòra. Que bròqui, que cluisheti e que’m veni lo mohèr de las crabas. Quan n’èi pas mau de cavilhars, que’m va hèra de caminar capvath la campanha, mensh per la montanha pr'amor que puja e baisha a contunhar ! Estar formadora au CFPÒc qu'ei contunhar de transméter la lenga, causa qui m’impòrta hèra e mei enqüèra !
Ua auhèrta de formacion evolutiva e adaptada
De heurèr de 2022 ençà, lo CFPÒc Navèra Aquitània qu'a l’agradament Qualiopi entà las soas accions de formacions e centre de formacion acreditat entà la preparacion au DCLR occitan. Engatjat en lo Programa Regionau d'Accès a la Formacion e a la Qualificacion de las Personas Handicapadas (PRAFQPH) de junh de 2023, ua referenta handicap formada que s’està a la vòsta escota, atau com tota l'equipa deus formadors qui n’ei sensibilizada.
Ua auhèrta de formacion variada :
Entà tots
Formacion Leser
Descobritz la lenga e la cultura occitanas mercés au cors setmanèr e aus estagis immersius ! Qu'auratz en quauques mes las basas entà batalar en occitan !
Salariats collectivitats, associacions e enterpresas
Formacion professionau entaus salariats
Quin que sia lo vòste maine d'activitat, que podetz desvolopar la vòsta competéncia lingüistica, atot unic entà la vòsta carrièra !
Formadors a viéner, ensenhaires en occitan
Formacion de contunh deus ensenhaires & formadors
Que desiratz vàder ensenhaire o formador en lenga occitana ? Ça-vietz enriquir las vòstas competéncias lingüisticas e culturaus dab lo CFPÒc !
Formacions mestièrs en lutz :
La formacion Ninoèra que s'adreça aus personaus de las ninoèras qui desiran méter en plaça un arcuelh bilingüe en lenga e cultura occitanas entaus nenons.
Lo CFPÒc que perpausa tanben formacions especificas entaus agents publics (departament, comuna…), los intervienents culturaus en occitan, los personaus de las escòlas immersivas Calandreta e entaus professionaus deu doblatge en occitan.
En 2026, hòrt d'autas formacions que son en preparacion, com per exemple : la formacion biodiversitat en occitan, dias tematics immersius…
Lo CFPÒc que perpausa tanben formacions especificas entaus agents publics (departament, comuna…), los intervienents culturaus en occitan, los personaus de las escòlas immersivas Calandreta e entaus professionaus deu doblatge en occitan.
En 2026, hòrt d'autas formacions que son en preparacion, com per exemple : la formacion biodiversitat en occitan, dias tematics immersius…
Ac sabètz ?
Lo bilingüisme doriu qu'ei un vertadèr atot entau desvolopament cognitiu deus mainatges ; en formar los agents de ninoèras, que contribuim a balhar aqueras claus de compreneson deu monde a generacions de mainatges connectats a la lenga e cultura occitanas mes tanben a tota auta lenga o cultura deu monde.
Véder totas las nostas formacionsEntà seguir l'actualitat deu CFPÒc, seguitz-nse suus nostes hialats sociaus :
Ua associacion engatjada entà la cultura e la lenga occitanas
Lo CFPÒc Navèra Aquitània qu'ei ua associacion lei 1901, qui a, despuish mei de 25 ans, per vocacion de transméter la lenga e cultura occitanas entà preservar e valorizar lo noste patrimòni culturau immateriau. Lo CFPÒc Navèra Aquitània que s'adreça a tots. Qu'ei ua organizacion laïca, ubèrta a tots e sensibla a las questions d'accessibilitat en pr’amor de la soa implicacion en lo Programa Regionau d'Accès a la Formacion e a la Qualificacion de las Personas Handicapadas (PRAFQPH).
Lo noste foncionament associatiu
Lo CFPÒc que fonciona dab un burèu executiu e un conselh d'administracion. Lo burèu, compausat per un president, vicepresident, secretari e dinerèr, qu'assegura la gestion quotidiana e qu’arrepresenta l'associacion. Lo conselh, compausat per membres elejuts e partenaris, que pren las decisions estrategicas. Aqueths dus organes que collabòran entà promòver la lenga e la cultura occitanas capvath programas educatius e culturaus.
Benevòles engatjats
Lo benevolat dens lo CFPÒc qu'ei accessible a tots, independentament de l’atge, las disponibilitats o lo nivèu en occitan. Qu'avem besonh de totas las bonas volontats entà que visca la lenga !
Gràcias a Marion, joena activa en reconversion, e la soa perseverança, la soa organizacion e la soa abillessa, qu'avem tornat obrir un cors deu ser a Arudi qui arcuelh ua equipa bèra d'aprenents mes tanben intervienents culturaus engatjats a noste.
Gràcias a André, qu'avem projèctes de desvolopament qui s'emparan sus las soas competéncias, lo son hialat e las soas envejas d'engatjaments pontuaus, en lo respècte deu son emplec deu temps de joen retirat actiu. Qu'esperam atau desvolopar la nosta formacion en linha o enqüèra tribalhar en cooperacion dab l'universitat locau.
E gràcias a vos, çò qui haram amassa ?
Gràcias a Marion, joena activa en reconversion, e la soa perseverança, la soa organizacion e la soa abillessa, qu'avem tornat obrir un cors deu ser a Arudi qui arcuelh ua equipa bèra d'aprenents mes tanben intervienents culturaus engatjats a noste.
Gràcias a André, qu'avem projèctes de desvolopament qui s'emparan sus las soas competéncias, lo son hialat e las soas envejas d'engatjaments pontuaus, en lo respècte deu son emplec deu temps de joen retirat actiu. Qu'esperam atau desvolopar la nosta formacion en linha o enqüèra tribalhar en cooperacion dab l'universitat locau.
E gràcias a vos, çò qui haram amassa ?
Objectiu 2026 : connectà's tà transméter miélher
Augan, lo CFPÒc que's vòu abans tot connectar : aus autes, au son territòri, a la soa cultura, a tota la riquessa e varietat de l'occitan gascon. Aquera dinamica que s'empara egaument suu desvolopament de las nostas ressorsas numericas, entà alargar l'accès a las formacions, modernizar las modalitats de transmission e ahortir la difusion deus sabers lingüistics e culturaus.
Dab aquestes dus projèctes màgers, lo CFPÒc qu'enten atau vàder mei accessibles e inscríve's dens ua desmarcha de transmission actuau e obèrta a totas e tots :
Lo projècte Plantas e Memòrias Connectadas qu'ei finançat au títol de l'aperet a projèctes numerizacion, mediacion, creacion 2025 deu programa Culturas Connectadas sostienut per la Drac e la Region Novèla Aquitània. Qu'a per mira de'ns sauvaguardar lo patrimòni culturau immateriau per moments creatius a l'entorn de las plantas sauvatjas d'un vilatge, tà crear ua òbra artistica fisica e numerica, dab ua difusion au mei gran nombre. Que s'ageish per aqueths temps collectius d'abordar la biodiversitat a l'escala locau e har un estat deus lòcs de las practicas e usatges de las plantas. Los talhèrs que son en bilingüe francés-occitan, segon lo public, e intergeneracionaus.
Plantas e Memòrias Connectadas qu'amassa un hialat d'actors engatjats e ancorats sus un medish territòri.
Plantas e Memòrias Connectadas
Laureat de l'aperet a projèctes Ligams (Passem 2024), aqueste guida de conversacion qu'ei lo frut d'un tribalh collaboratiu deus màgers, coordinat peu CFPÒc. Deu cors setmanèr deu dimars mieidia a Pau, dab las prumèras frasas tematicas concebudas, aus guidas de conversacion disponiblas de papèr com en numeric, a léger com a escotar, 18 mes que passèn. Aqueth projècte que hè pròva de l'unitat de la nosta lenga shens negar la riquessa de las soas expressions locaus. Qu'ei soscat e abotit shens estar pauhicat, e que contunharà de víver dab las vòstas remarcas o demandas d'adaptacion en parlar de « a vòste » (parloc@cfpoc.com).
Adrien Basse-Cathalinat, fotografe professionauE desiratz arcuélher un projècte noste o ne desvolopar un dab lo CFPÒc ? Contactatz-nse !
Que’n voi saber meiLo CFPÒc, engatjat dens un collectiu
Sostiene’ns : har un donLo CFPÒc qu'ei au còr d'ua dinamica intergeneracionau qui tròba la soa expression en lo noste patrimòni culturau immateriau entà crear ligam e coesion sociau suu parçan.
Los nostes partenaris associatius que contribueishen ad aqueth ligam locau, en guarantir atau cors d'occitan de qualitat, adaptats a las diferentas variantas regionaus.
Actiu en lo hialat deus Centres de Formacion Professionau Occitan e afiliat au Tèrçlòc culturau biarnés, La Ciutat Creativa de la cultura biarnesa, qu'èm sostienuts per partenaris institucionaus màgers.
Los nostes partenaris associatius que contribueishen ad aqueth ligam locau, en guarantir atau cors d'occitan de qualitat, adaptats a las diferentas variantas regionaus.
Actiu en lo hialat deus Centres de Formacion Professionau Occitan e afiliat au Tèrçlòc culturau biarnés, La Ciutat Creativa de la cultura biarnesa, qu'èm sostienuts per partenaris institucionaus màgers.
Las nostas associacions partenàrias
Los nostes partenaris institucionaus
