Clap de fin deu projècte
Arron mei d’un an de talhèrs de creacion dab plantas locaus e los poblans, deus mainats dinc aus seniors, e tostemps en bilingüe occitan-francés, que se’n va temps de’vs desvelar l’òrbra fisica e numerica gessida deu projècte Plantas e Memòrias Connectadas.
Un moment hestiu…
Que’vs balham donc rdv lo divés 20 de noveme de 2026, a 18h a la Mediatèca de Monenh, dab los aliats e participant-a-s deu projècte.
Mercés a l’ajuda de la Mairia de Monenh, que’vs perpausam un moment de partatge en musica, dab lo grop « Cantar e Arríder », que poderatz arretrobar en seguida au parat deu mercat hestiu devath de la Hala, on haràn petar la cantèra. L’associacion « Cantar e Arríder » qu’a per tòca d’amassar cantaires tau plaser de cantar, de promòver e transméter la lenga bearnesa.
… e gormand !
De mei,q ue serà lo parat de tastar nhacs de plantas locaus, cosinats lo quite dia dab un talhèr cosina bilingüe occitan-francés, tà acabar com cau aqueth cicle creatiu. Amassas, que podóm explorar, questionar, sauvaguardar e transméter sabers locaus a l’entorn de las plantas endemicas e sauvatjas de Monenh e atau crear ua òbra accessibla en realitat e en numeric, qui’ns dèisha valorizar aquestes patrimònis locaus e los locutors.
La seguida suu noste site
Un erbami numeric que serà inaugurat quan l’òbra, puishque los dus e son ligats : ça-vietz activatz-ve lo NFC tà v’en·hicar en la descobèrta de las plantas sauvatjas, escotatz-ne los noms en occitan, gascon, bearnés e passejatz-ve au perhons de l’òbra collectiva en linha.
