Lo CFPÒc Navèra Aquitània qu’ei shens qu’ua associacion qui’vs perpausa cors setmanèrs e formacions professionaus en occitan. Estacat a la soa mission « lenga e culturas occitanas », qu’òbra tà transméter-las a totas e tots, per projèctes en aliança dab las estructuras locaus qui ac vòlen.
Ací un projècte qui s’amerita d’estar vist : lo talhèr conte miat actuaument per Fred Handy, contaire e auxiliar de vita, a l’EHPAD Mérici de Pau.
Aqueste dispositiu qu’ei portat per la Direccion de la Cultura e la Direccion de l’Autonomia tau Departament 64, dab lo sostien de la Direccion Regionau deus Ahars Culturaus (DRAC) e de l’Agéncia Regionau de Santat (ARS) Navèra Aquitània.
