Iniciacion en lenga occitana – Personaus de ninoèra
Tota l'annada : a la demanda
Presenciau
Tipe :
Lòc(s) :
Durada :
Presentacion
Description
Aquera iniciacion qu’ei concebuda en modules descobèrta (3h/module) de la lenga occitana taus professionaus qui tribalhan dab la petita enfança e qui vòlen apréner los rudiments de l’occitan tà’us partatjar dab los mainats, los parents e los collègas.
Metòdes mobilizats
Liberets concebuts per l’equipa deu CFPÒc e qu’acompanhan los aprenents suu module de formacion, completats peus apòrts lingüistics e pedagogics deu formador o de la formadora.
Debanar pedagogic
Arcuelh e presentacion, recuelh de las espèras e presentacion generau de l’occitan
Descobèrta de la lenga : fonologia, escota e repeticion de mots e expressions simplas, presentà’s, activitats de produccion orau
Lexic : ligat a l’arcuelh, aus moments claus e aus rituaus de la ninoèra, mesas en situacions simplas
Comptinas e jòcs : descobèrta, associacion paraulas-gèstas-movements, integracion de l’occitan a la practica pro, escambis
Bilanç e perspectivas
Modalitats d'avaloracion
Avaloracion de la formacion peus estagiaris en fin de formacion (questionari de fin de formacion).
Iniciacion : formacion non certificanta
Objectius de la formacion
Sensibilizar lo personau de ninoèra a la lenga occitana tà l’integrar simplament e naturaument a las interaccions quotidianas dab los mainats, los parents e los collègas.
Que s’ageish de :
- Descobrir la lenga occitana e la prononciacion de basa
- Compréner e emplegar mots e expressions simplas en occitan
- Emplegar l’occitan dens las rotinas quotidianas
- Exprimí’s de faiçon simpla e benvolenta
- Sensibilizar a la lenga e a la cultura occitanas
Taus d'escaduda
Iniciacion : formacion non certificanta
Testimònis
« Las collègas de la petita enfança qu’an hòrt apreciat lo talhèr tematic au mes d’abriu passat. Que’n volerem tornar organizar un navèth au mes de seteme. »
Comanditari iniciacion aus personaus de ninoèra, 2025
Formacion dinamicament animada per
Delais d'accès
3 mes entà un finançament OPCO, 1 mes entà un finançament CPF o emplegaire, e dinc a la data limita d’inscripcion entà tot aute finançament.
Modalitats d'accès
nada data limita d’inscripcion : entrada permanenta sus validacion de l’estima
Organizacion
Materiau requesit
Nat
Entrada en formacion
Tota l’annada : a la demanda
Nombre de plaças disponiblas
10
Fin de formacion
Tota l’annada : segon planificacion
Ritme mejan de formacion
3h per module