Yolande Cazenave, Anne-Lise Herbel que perpausan l’espectacle « L’ueu de qui ei », hicat en scèna per Laurenç Labadie dab ua scenografia de Marie Baudoin. Que s’encontrèn au parat de la formacion deus Intervienents Culturaus en Occitan deu CFPÒc Navèra Aquitània.
Aqueth espectacle, pensat taus petitons (ninoèra, mairau e dejà hèit dab CM2) que parla de duas hemna qui tròban un ueu, mes de qui ei ?
D’ua durada de 20 min e tot en occitan gascon, que v’aconselham de l’anar véder se n’avetz lo parat !
Dab l’ajuda de « la Chicane » o la “Boite à outil” dedicada aus artistas ahamiats de teatre d’oc. La Chicane qu’ei arcuelhuda per la Cie Lilo. Aqueth dispositiu qu’ei sostienut peus Conselhs Departamentaus 64 e 24, la Region Navèra Aquitània, l’agéncia Culturau Departamentau Dordonha Peirigòrd e la comuna de Mencinhac.
