Setmanèrs – Nivèu 3

Los cors setmanèrs que son cors collectius, per nivèus de lenga, que permeten de descobrir la lenga e la cultura occitana, en la soa varianta locau.

Lo metòde emplegat que permet de practicar l’orau e l’escriut, en variar los supòrts pedagogics.

Aquera formacion qu’ei disponibla segon 6 nivèus de lenga en foncion deu nivèu CECRL en debut e fin de formacion.

Lo contiengut deus cors que pòt diferir segon la libertat pedagogica de la formadora o deu formador. Ètz mausegur, avetz besonh de conselhs entà causir lo vòste cors ? Contactatz-nse a aquitania@cfpoc.com e/o ça-vietz testar los cors a gratis dinc a la mieitat d’octobre !

Lo metòde d’aprentissatge qui acompanha las sesilhas qu’ei A hum de Calhau, tòme 1.

Lo formador/la formadora que completa los cors dab d’autas honts d’aprentissatge (lectura, audio…) e contienguts pedagogics aprestats peus formadors nostes : ficas, exercicis…

En 4au annada, que s’agirà de :

• ahortir la fonologia e la grafia fonia de l’occitan, varianta locau
• conjugar vèrbes au present de l’indicatiu, au gerondiu, au passat compausat, au futur, au present deu subjontiu, a l’imperfèit e au preterit
• mestrejar las basas de la gramatica, integrar navèras nocions tà poder respóner a escambis de faiçon fluida e clara
• aumentà’s lo repertòri de vocabulari,  torns de lenga usuaus e poder balhar un punt de vista

Avaloracion formativa peu formador au començament, miei e en fin d’annada e auto-avaloracion de la formacion peus estagiaris en fin de formacion (questionari de fin de formacion).

Si formacion professionau : avaloracion deus aquesits en fin de session (passatge de certificacion B1) e certificat de realizacion de formacion remetut.