Formacion Mainadèra – Public petita enfança – Nivèu començant
Deu 02 de heurèr 2026 a julhet 2026
Presenciau
Tipe :
Lòc(s) :
Durada :
Presentacion
Description
En l’encastre de la formacion « Mainadèra », que calerà aver ua mestresa de la lenga qui permet de communicar e emplegar apèrs en occitan, en hicar en davant la practica de la lenga, tà l’exercici deu mestièr.
Dab 60h de formacion en lenga (30h) e de practica (30h), que s’ageish de véder las 4 competéncias deu quadre europeenc de referéncia tà las lengas (CECRL),de validar un nivèu de lenga A1 o A2 en fin de formacion e d’animar un talhèr taus mainats en occitan.
Metòdes mobilizats
Lo formador/la formadora que completa los cors dab los documents pedagogics necessaris.
La formacion que’s basteish en adeqüacion dab los besonhs professionaus deus aprenents.
Debanar pedagogic
La formacion Mainadèra que liga l’exigéncia d’ua progression ritmada per l’aprenetissatge de la lenga mes tanben l’apracticament d’activitats dedicadas a la profession dab lo public mainadet.
Que s’organiza segon mantun tèma : las sasons, los repaishs, los aliments, carnaval, la natura…
Modalitats d'avaloracion
Avaloracion formativa peu formador au briu de l’annada e auto-avaloracion de la formacion peus estagiaris en fin de formacion (questionari de fin de formacion).
En fin de formacion,animacion de talhèr tà valorizar e practicar los aquesits de la formacion dab un public mainadet.
Si formacion professionau : avaloracion deus aquesits en fin de session (passatge de certificacion A1 o A2, o DCLR occitan) e certificat de realizacion de formacion remetut.
Objectius de la formacion
En l’encastre d’ua integracion professionau de las bonas, los objectius que son los seguents :
-Emplegar vocabulari en occitan taus moments claus deu dia, de l’arcuelh a la sortida deus mainats
-Poder emplegar apèrs pedagogics existents e constituí’s un repertòri d’activitats bilinguas occitan/francés
-Estar en captage de realizar afichatges bilingües francés-occitan
-Estar un relais auprès deus collèga tà encoratjar lo desvolopament d’un arcuelh bilingüe
-Mestrejar la lectura en occitan tà favorizar los moments bilingües en los establiments
-Aver la capacitat de respóner de faiçon simpla : acceptar o refusar proposicions, miar temps de vita dab mots simples en occitan e los rituaus qui ritman lo dia
-Constituí’s un repertòri d’activitats en occitan en ligam dab mantun tèma, tà assegurar ua preséncia de la lenga tot au briu de l’annada dab los mainats
Taus d'escaduda
Certificacion A2 en 2025 : 100%
Formacion dinamicament animada per
Delais d'accès
3 mes entà un finançament OPCO, 1 mes entà un finançament CPF o emplegaire, e dinc a la data limita d’inscripcion entà tot aute finançament.
Modalitats d'accès
CPF o OPCO : inscripcion dinc au 05 de genèr 2026 / Aute dossièr : dinc au 20 de genèr 2026
Organizacion
Materiau requesit
Entrada en formacion
Dimèrcs 02 de heurèr 2026
Nombre de plaças disponiblas
12
Fin de formacion
Julhet 2026
Ritme mejan de formacion
3h los dimèrcs, hòra vacanças escolaras ; de 13h30 a 16h30