Estagi immersiu en lenga e cultura occitana – Tots nivèus
abriu de 2025
Presenciau
Tipe :
Lòc(s) :
Durada :
Presentacion
Description
L’estagi immersiu en occitan qu’ei ua excellenta atruna de descobèrta o desvolopament de las competéncias lengatgèras.
Descobèrta e ahortiment de las nocions lingüisticas dab l’ajuda de mejans pedagogics diversificats : los cors, las visitas, las animacions, las activitats, que son autant de possibilitats d’ancorar los aprentissatges entà’n har sabers a tèrmi long. L’estagi immersiu qu’a tanben per mira de favorizar las interaccions enter participants, d’un medish grop de nivèu mes tanben d’un nivèu a l’aute, entà dar aus aprenents la hidança necessària entà progressar a l’orau.
Metòdes mobilizats
Lo formador/la formadora que causeish e que procura los documents pedagogics necessaris au son cors.
Las visitas, sortidas e conferéncias que son anonciadas dens la planificacion de l’estagi.
Los aprenents que segueishen los cors en grop de nivèus de lenga (començants, intermediaris, avançats) e que son agropats entà las activitats.
Debanar pedagogic
La descobèrta de la cultura e de la lenga occitanas que s’empara suu programa de l’estagi e suu debanar pedagogic deu formador/de la formadora, dab un programa-tipe en ligar los cors lo matin e en debut de vrèspe (segon lo nivèu de lenga), e activitats en lenga en fin de matiada e fin de vrèspe dab l’ensemble deus aprenents.
Los repaishs que son pres amassa entà mantiéner au maximum l’immersion lingüistica desirada.
Modalitats d'avaloracion
Avaloracion formativa peu formador au briu de l’annada e auto-avaloracion de la formacion peus estagiaris en fin de formacion (questionari de fin de formacion).
Si formacion professionau : avaloracion deus aquesits en fin de session (passatge de certificacion A2, B1 o DCLR occitan) e certificat de realizacion de formacion desliurada.
Objectius de la formacion
Víver en immersion la cultura e la lenga occitanas pendent 3 dias entà descobrir o apregondí’s las coneishenças.
Taus d'escaduda
Certificacion A2 e B1 en 2023 : 100%
DCLR occitan 2023 : 79%
Testimònis
« Aqueth estagi qu’èra vertadèramen hèra enriquidor. Qu’ei passat tot viste. Los supòrts de tribalh qu’èran de qualitat tanben. Qu’avem podut beneficiar de talhèrs hèra variats e hèra enriquidors ! Qu’èi aprés hèra de causas, autant sus la teoria de la lenga, la soa practica, com sus la cultura occitana e bearnesa en particular […]. Que senteishi qu’èi hèit progrès en compreneson orau. Qu’èi hèit progrès tanben tant en produccion escriuta com en produccion orau. Los mens collègas, qui parlan occitan de hiu, que m’ac an precisat. (estagi Pau octobre de 2022) « Que m’agrada de tribalhar seriosament mes d’ac har dens un ambient agradiu. Qu’èra çò qu’estó perpausat. Qu’èi enqüera mei enveja d’apréner la lenga après aqueth estagi. Mercés. »
(estagi Ortès abriu de 2023)
« La mescla enter lenga e cultura qu’èra hèra plan »
(estagi Monenh abriu de 2024)
Formacion dinamicament animada per
Delais d'accès
3 mes entà un finançament OPCO, 1 mes entà un finançament CPF o emplegaire, e dinc a la data limita d’inscripcion entà tot aute finançament.
Modalitats d'accès
inscripcion dinc a la fin de març au près deu secretariat
Organizacion
Materiau requesit
Nat
Entrada en formacion
Fixa : inscripcions de heurèr a la fin de març
Nombre de plaças disponiblas
10 per nivèu de lenga, sia 30 en tot
Fin de formacion
Fixa : vacanças escolaras d’abriu
Ritme mejan de formacion
7h per dia en 3 dias consecutius