Anar al contengut Anar al menut Anar a la recèrca Anar als ligams

Centre de Formacion Professionau en lenga e cultura Occitanas - Arcuèlh

Centre de formacion professionala occitanCentre de formacion professionala occitan

Arcuèlh  >  Version OccitanQui èm?

Qui èm?

Estampar

Presentacion deu CFPOC : Centre de Formacion Professionau en Lenga e Cultura Occitana

Introduccion

Lo CFPÒC qu’ei membre deus CFPÒ dab lo centre de Besièrs e Tolosa. Los CFPÒ que’s conceben com un vertadèr servici public popular : qu’auhereish a tota persona qu’ac desira la possibilitat d’apréner la lenga pròpia a Occitania, ací l’Occitan de Gasconha, dens la soa varietat bearnesa.

Objectius

Lo Centre de Formacion Professionau en Lenga e Cultura Occitanas, associacion lei 1901, qu’a per objectiu la promocion de la lenga au truvèrs deus sons cors e de las soas formacions. Lo CFPÒC d’Ortès que’s carga, com las autas estructuras, deu medish tipe, en ret, de professionalizar l’auhèrta publica de formacion professionau « en » e « de » lenga occitana.

En aquera mira, que’s carga de har conéisher au mei de monde las soas prestacions, mes tanben de respóner au miélher a la demanda sociau qui va de mei en mei dab la professionalizacion de l’auhèrta.

Istoric

- 1999 : Creacion deu CFPÒC d’Ortès

- 2000 : Mesa a disposicion de locaus per la Mairia d’Ortès

- Seteme 2003 : Lo C.A. deu Centre que hica en plaça ua estrategia entà professionalizar totas las soas accions e assegurar-las en condicions optimaus :

- Embaucha d’ua collaboradora tà la partida administrativa
- Recrutament de formadors vacataris, tà assegurar los cors setmanèrs.

- 2005 : Creacion deu pòste de responsable

- 2006 : Creacions de dus pòstes de formadors permanents a temps parciau

- 2008 : Passatge deus dus pòstes de formadors permanents a temps plen e creacion d’un pòste a temps plen

En conclusion, lo CFPÒC qu’ei uei 5 emplegats permanents a temps plen ( 1 pòste de responsable, 1 pòste d’administracion, 3 pòstes de formadors), e tanben, 10 formadors vacataris e un quinzenat de formadors ocasionaus

Concretament, lo CFPÒC que perpausa diferentas formacions :

- Los cors taus adultes : « Los Setmanèrs » e los estagis « Parlar », entà preparar los diplòmas d’Escapolaire, e B2.

- la formacion : La formacion professionau,«la Formacion de Formadors » entà hà’s formador deu CFPÒC d’Ortès e donc formador en lenga occitana ; la formacion continua, la formacion personalizada

- la preparacion au concors d’entrada de las escòlas laïcas occitanas Calandreta e deus IUFM, opcion occitan

Pedagogia

Los metòds pedagogigcs que balhan la prioritat a la comunicacion, a l’expression orau, e qu’esvitan arreviradas sistematicas L’objectiu principau qu’ei formar locutors actius entà assegurar la perennitat de l’Occitan.

Tad aquò, lo nombre d’aprenents dens un medish grop ne serà pas mei de 10 aprenents , aquò dens la tòca de favorizar la dinamica de grop e la presa de paraula de cadun.

Qu’ei a comptar d’aquesta foncion comunicativa que seràn determinadas e estudiadas las nocions gramaticaus. Situacions ludicas que son emplegadas meilèu que exercicis calhats, entà tribalhar aquestas nocions e aquesits , qui s’esfòrçan apuish d’utilizar dens la vita vitanta.

L’oralitat e l’interactivitat que son, segon la pedagogia voluda peu CFPÒC, elements màgers a l’aprenedissatge de la lenga ; cada aprenent estant actor de la soa formacion.

Enfin, lo formador que hè lo punt regularament deus aquesits deus aprenents e convida aquestes a har parièr de cap au lor objectiu personau.

Los progrès de la persona aprenenta que’s mesuran non pas dens un saber teoric mes dens las soas competéncias lingüisticias a comunicar .

 

 boutonrehaut