Anar al contengut Anar al menut Anar a la recèrca Anar als ligams

Centre de Formacion Professionau en lenga e cultura Occitanas - Arcuèlh

Centre de formacion professionala occitanCentre de formacion professionala occitan

Arcuèlh  >  Version OccitanLos diplòmas

Los diplòmas

Estampar

Los diplòmas A2 e B2 que garanteishen competéncias definidas peu Cadre Europèu Comun de Referéncia per las Lengas (CECRL) en occitan lengadocian e gascon.
Remise des diplômes
Remise des diplômes

Lo CECRL qu’ei un utís permetant de bastir dab precision objectius realistes, e responent aus besonhs deus aprenents. Que defineish tanben nivèus de competéncias en lenga qui van de A1 a C2. Qu’ei un tèxte deu Conselh de l’Euròpa, utilizat peus organismes mei seriós d’ensenhament de las lengas en Euròpa. La referéncia au CECRL qu’ei ua pròva de seriós: los diplòmas deu ret deus Centres de Formacion Professionau Occitans que’s vòlen estar certificats de competéncias reconeguts. Que son tanben apèrs tangibles taus emplegaires, taus salariats ; hèra qu’an besonh d’ua reconeishença en lenga que sia tà evaluar un aprentissatge o valorizar un saber.

Nivèu A2, dit « de subervita »

L’estagiari :

- Que pòt compréner frasas isoladas e expressions correntas utilizadas en relacion dab maines immediats de prioritat ( per exemple, informacions personaus e familiaus simplas, crompas, environament pròche, tribalh)
- Que pòt comunicar pendent tascas simplas e abituaus, qui ne demandan pas qu’un escambi d’informacions simple e direct sus subjèctes familhèrs e abituaus
- Que pòt descríver dab mejans simples la soa formacion, lo son environament immediat, e evocar subjèctes qui corresponen a besonhs immediats.

- Tienuda d’examens en junh de 2010. Còst :10 euròs

Document PDF - 90.5 Ko
Document PDF - 1.7 Mo

Lo nivèu B2 dit « independent”

L’estagiari :

- Que pòt compréner lo contiengut essenciau de subjèctes concrets o abstrèits dens un tèxte complèxe, quan seré ua discutida tecnica dens la soa especialitat .
- Que pòt comunicar dab un grat d’espontaneitat e d’aisidèr, tau com ua conversacion dab un locutor natiu shens nada tension ni tà l’un ni tà l’aute
- Que’s pòt exprimir de faiçon clara e detalhada sus ua grana gama de subjèctes, balhar un avís sus un subjècte d’actualitat e expausar los avantatges e los inconvenients de diferentas possibilitats.

- Tienuda d’examens en junh de 2010 . Còst : 15 euròs

Document PDF - 107.8 Ko

Tres regions

Despuish 2005, los « diplòmas » que’s debanan sus tres regions :

- En Mieidia-Pirenèus, entau lengadocian e tau gascon, peu CFPOMP de Tolosa
- En Aquitània, tau gascon, dab lo CFPÒC d’ Ortès.
- En Lengadòc-Rosselhon, tau lengadocian, peu CFPO Lengadòc de Besièrs

 

 boutonrehaut